LOT6

RPE20-11 is waarskynlik die bul met die beste diepte en kapasiteit wat ons nog gebruik het. Hy is n seun van die bekende LAR09-281, ons het LAR09-281 sterk in ons kudde gebruik en hy teel konstant uitstekende bouvorm met uitsonderlike diepte en kapasiteit en dogters met oorvloed melk. Ons het reeds 7 van sy self geteelde seuns in ons kudde gebruik en dit lyk of hulle nog beter as hy gaan teel, dit is tog die definisie van 'n goeie bul, dat hy beter teel as wat hy self is. Daar is 3 LAR09-281 seuns op die veiling waarvan ons al 3 sterk gebruik het. RPE20-11 se ma is 'n ou staatmaker LAR koei, LAR06-104, wat spog met ’n TKP van 415dae oor 12 kalwers. Sy is ook die ma van laas jaar se lot 6 RPE19-122 gekoop deur Andre Fryer. Uit sulke ouers is dit geen verrassing dat RPE20-11 ongelooflike baie vleis dra met ‘n perfekte balans tussen bevlesing en bespiering, hy het pragtige vel en haar, uitstekende temperament, goeie bene en kloue en byna perfekte testes. Ons het hom sterk gebruik in die kudde en verwag baie van sy kalwers. Ons behou 'n semen gebruik van die bul.

LOT7

RPE20-37 is 'n vroeg ryp medium raam bul met uitstekende bouvorm, goed gebalanseerde syfers en 'n diep stamboom. Hy het van jonks af uitgestaan en het ons hom op 'n jong ouderdom gebruik op ons stoet koeie. RPE20-37 is breed reg deur met uitstekende breedte oor die draai- en sit bene wat deur loop tot by 'n pragtige breë bors vloer. Hy is afkomstig van 'n pragtige vroulike koeitjie, RPE14-24, sy is 'n kombinasie van die bekende bulle MMJ08-102 en LAR05-350. Sy is dan ook die ma van lot 16 op ons 2022 produksie veiling, verkoop aan Ashley en Jacky Whitfield (Whitfield bonsmaras). Sy het 'n kalf rekord van 6 kalwers op 8 jarige ouderdom met 'n TKP van 415. Vaderskant kom RPE20-37 uit PAD13-177, hy het 10 seuns op die veiling, en teel konstant uitstekende bouvorm, goeie vel en haar, goei kloue met goeie diepte van heel en besonderse sterk breë bekke. Lot 7 het al daardie eienskappe van sy pa in oortreffende trap. Hier is 'n BUL!

LOT8

RPE18-76 is a bull with QUALITY written in capital letters. He is a LAR09-281 (also see lot 6 and 9) son that resembles his sire in many ways, same masculine head, broad between the eyes, long and broad body, with a lot of capacity. He further has a beautiful dark sleek coat and a neat underline with perfectly straight testes. He is out of a beautiful A-frame AG02-220 daughter that always breeds a good calf. He will breed beautiful cows with ample milk and broad musculine bulls. We have used this bull extensively in the herd and are using his first son now as a 14month old on some of our best cows.

LOT9

Lot 9 is die laaste van 3 LAR09-281 seuns op die veiling, hy is 'n toonbeeld van hoe sy pa teel met besonderse diepte en kapasiteit. Hy dra baie vleis sonder om die DB geen te dra. RPE20-15 is uit 'n besonderse koei, LDW11-119 wat 'n dogter is van die bekende LAR05-350, sy is 'n regte bul moeder met hierdie seun en haar volgende seun (RPE20-150) wat in die kudde gebruik is en haar 2021 bul kalf is ook een van die bestes. Sy kalf die eerste keer op 29 maande en kalf daarna elke jaar met 'n TKP van 386 oor 9 kalwers en gemiddelde speen indeks van 110. Lot 9 het ook baie goeie syfers, met 'n speen direkte syfer van +13.9 en speen maternaal van +11. Hier is 'n bul wat vir jou bul moeders gaan teel.

LOT10

RPE20-23 is regtig iets besonders. Ons glo die beste en manlikste bulle kom uit die vroulikste koeie en in RPE20-23 se geval is dit presies wat gebeur het. Sy ma is ‘n byna perfekte wigvormige vroulike koei. Sy is dan ook ‘n direkte dogter van die legendariese bul BG96-125. RPE20-23 se pa (PAD13-177) is ’n kombinasie van CSW01-14 en EI04-38 wat beide BG96-125 as voorvader het. RPE20-23 is dan 8% gelyn teel na BG96-125. Dit is hierdie lynteling wat RPE20-23 sulke goeie erfdwang ook gee. Ons het hom sterk gebruik in die kudde en sy erfdwang is opvallend. Mens herken sy kalwertjies in die veld van jonks af, sulke regte breë vierkantige kalwers. RPE20-23 dra besonders baie vleis en het die perfekte balans tussen bevleesing en bespiering, nat bespiering soos van ons bonsmara vriende dit beskryf. Verder het RPE20-23 vol binne- en buite dye, goeie balans van agter na voor, uitstekende kloue en bene, netjiese onderlyn, groot korrekte testis en 'n baie sterk breë bek (iets wat vir ons baie belangrik is vir veld hou vermoë). RPE20-23 is die tipe bonsmara wat ons mee wil teel.